Nîzdîyê hîris STK’yêko Çolîgi di faaliyet kenî, howşê Camîya Pîli di be pîrasayişê seomaron programê fitari di ome yo ca.
Howşê Camîya Pîli fitari ri ver be rakerdişê xasiron omî hedrê kerdiş. Fitari ra ver zîyafetê Qur’an dîya, qey xelasîyê ummetê Îslam tengî ra pîser dua omî kerdiş.
Çolîgi di nizdîyê hîrîs STK fitar dayiş ser sifteyin omî yo ca, vacîya ku în STK’yêko qey fitar dayişê şarî omê yo ca semedê yoyî û pîyayîyê Bisilmonon gomêka muhîm a.
Fitari ra ver Serekê Şarîstanê Çolîg Memur Sen Mûcahîd Çelîk va: “Ma be leşonê xu he îta de. Rabbul âlemîn pawa zerron û hîssîyatonê ma yoyî û pîyayî ma rî nasîb bîkero! Wa herîdîyayî, tengî û cîyayî ha mîyonê ma da wedaro, înşaallah!”
Çelîk îfadeyê waştişê xelasîyê âlemê Îslamon tengî ra dima în îfade şuxulnê: “Allahu Teâlâ wa ummetê Îslam tengîyêko tedeya bixelisn û şa bîkero. Xususen ê birayê mi ku ina fitari di renconî yin est a tera razi bo. Raştî ra fitarêka me’nayin a. Yo sifre di fitar akerdiş çîkêko zaf wêş o; la birayê ma estî ku ortamo hinayinî ra mehrum ê.”
Rina Çelîk va: “ Ma ê Bisilmonê ku Surîye, Ğazze, Misir, Araqan, Somalî û Rojhelatê Tirkîstanê di he bine zulme Çîni de Homê ra wazenî wa tengî ra bixelisîyê!”
Serekê Komelê Qalem Îbrahîm Dağilma zî, va: “Ina fitar wa wesîleyê xeyri bi, aşmê Remezon û şewê Qadrêko ma hê îdrak kênî ez Homê ra nîyaz keno wa yoyî û pîyayî Bisilmononî rî bîkero wesîle.”
Dağilma kifş kerdêko fitarê ummet ê ronayenê komela sîvîl Çolîgi de estî yin viraşta, “In program rindi ra meqsedê ma; demêka ma he tedi de derd û kederê ummetê Îslam zêdîyo be hina yo şînaye ma Bisilmonon bîyar yo ca û yo reyêka baş aker! Xususen ma zonayî ser fitarê xu êr Şewê Qadîri di viraşt. Ina şewêka hezar aşmoni ra tewr xeyrin a fitarêko ma tede akênî, duayêko ma îta di kênî, ina yoyîya rindîyê bironê ma înşaallah Bisilmononê dinya rî beno mesajêk. Ma muecna ra ku Bisilmonê her wext eşkenî bîyenî yo ca û hina yo fitar viraşt. Herkesêko paşt da ina fitarê ummet Homa ci ra razî bo.” (îLKHA)
0 yorum