Rejîma sîyonîst biryar da ku deriyê sînor ê Refehê "tevî hemû zextên" Emrîkayê veneke. Ev biryar "nakokiyeke kûr" di navbera Tel Aviv û Washingtonê de li ser plana merhaleya duyemîn a ji bo pêşeroja Xezzeyê eşkere kir.
Rejîma sîyonîst daxwaza vekirina deriyê sînor ê Refehê wekî beşek ji plana merhaleya duyemîn a bidawîanîna şerê li Xezzeyê red kir. Tê gotin ku ev biryara ku "li gel israra rêveberiya Emrîkayê" hatiye girtin, nîşana krîzek eşkere di navbera Tel Aviv û Washingtonê de derbarê rêveberî û pêşeroja Xezzeyê de ye.
Li gorî Yediot Aharonot, yek ji rojnameyên pêşeng ên dagirkeriyê, kabîneya dagirkeriyê biryar da ku di vê merhaleyê de deriyê sînor ê Refehê veneke. Rojnameyê tekez kir ku ev biryar "helwestek siyasî" ye li dijî plana merhaleya duyemîn a ku ji hêla Emrîkayê ve hatiye ferzkirin. (ÎLKHA)
