Sîyonîstên ku li axên ku îşxalker kirine berhem û nifşan wêran dikin, vê carê 250 bizin ji axa Sûrîyeyê dizîn û ew birin wargehên neqanûnî yên li Şerîaya Rojava.
Li gorî nûçeyên di medyaya îşxalker de, leşkerên dilsozê rejîma siyonîst ketine nav axa Sûrîyeyê û keriyek ji nêzîkî 250 bizinan dizîn.
Li gorî agahiyan, bizin li qamyonan hatine barkirin û birine zeviyên li wargehên cihûyan li Şerîaya Rojava.
Li gorî televîzyona Channel 7, bûyer nêzîkî du hefte berê qewimî û heta di nav artêşa îşxalker de jî wekî bûyerek "îstîsnaî" hate qeydkirin.
Di raporê de hat gotin ku leşkerên qaşo ji bo veguhestina bizinan qamyonên veguhastinê yên taybet gazî kirine, û cotkarekî bi dehan bizinên ku li ser rêya sereke dimeşiyan dîtiye û rewş ji "rayedaran" re ragihandiye.
Piştî eşkerekirina "operasyona bizinan", polîsên qaşo leşkerî mudaxele kirin. Tê îdiakirin ku fermandarê tabûrê ji posta xwe hatiye dûrxistin, fermandarê kompaniyê "hişyariya rêbertiyê" wergirtiye, û çalakiyên yekîneya têkildar bi demkî hatine sekinandin. (ÎLKHA)
