Balafireke bêmirov a rejîma sîyonîst li başûrê Lubnanê wesayîtek hedef girt. Di êrîşê de rêwiyê wesayîtê hat kuştin.
Wesayîtek li nêzîkî bajarê Bisariyê li başûrê Lubnanê bû hedefa firokeyeke bêpîlot a rejîma sîyonîst. Wesayît di agir de bi temamî şewitî û şofêr jî canê xwe ji dest da.
Li gorî çavkaniyên herêmî û Ajansa Nûçeyan a Neteweyî "El-Watania", droneyê sê mûşek avêtine wesayîtê.
Ev êrîş wekî beşek ji êrîşên rejîma sîyonîst ên hema bêje rojane yên li ser wesayîtên sivîl û sivîlan li Lubnanê hat qeydkirin.
Ev êrîş piştî êrîşa rojek berê li bajarokê Humin el-Fuqa û deverên Survani û Xirbet Selm pêk hat, ku tê de du Lubnanî şehîd bûn.
Kiryarên wiha yên rejîma sîyonîst bi berdewamî agirbesta bi Hizbullahê re îxlal dikin û aloziya li herêmê zêde dikin. (ÎLKHA)
