Hamasê wezîrê rastgir ê rejîma siyonîst, Îtamar Ben Gvîr, ku bi xwe fermanên hilweşandin û derxistinê ji malbatên bedewî yên li Necefê re gihandibû, wekî "mînakek terorîzma rêxistinkirî û zordariya îşxalê" bi nav kir.
Di daxuyaniya tevgerê de hat destnîşankirin ku fermanên hilweşandin û derxistina malên şexsî yên wezîrê rejîma siyonîst Îtamar Ben Gvir di dema serdana wî ya Necefê de ji malbatên bedewî re, yek ji mînakên herî zelal ên "terora sîstematîk û zordariya nijadperest a hikûmeta îşxalker" bû.
HAMAS diyar kir ku rejîma sîyonîst tehdîdê li civakên bedewiyan dixwe û hewl dide mafên wan ên xanîkirinê ji holê rake, ku ev yek beşek ji polîtîkayên wê yên demdirêj ên cudakariya nijadî û koçberkirina bi darê zorê ye.
Di daxuyaniyê de ev tişt hatin gotin: "Ev bêhişmendî û bêqanûniya ku ji hêla hikûmeta îşxalker ve tê nîşandan, zêdebûna aloziyê talûke ye ku dê li herêmê rageşiyek nû derxîne holê."
HAMAS bang li civaka navneteweyî û rêxistinên mafên mirovan kir ku bi lez mudaxele bikin û diyar kir ku divê polîtîkayên wêrankirin û sirgûnkirinê yên rejîma siyonîst li Necef û herêmên din tavilê werin rawestandin.
Tevgerê her wiha bang li gel û rêxistinên herêmî yên Filistînê kir ku hevgirtina xwe bi malbatên bedewî yên li Necefê re nîşan bidin û berxwedana hiqûqî û civakî li dijî hewldanên koçberkirina bi darê zorê yên îşxalkeran zêde bikin.
HAMAS daxuyaniya xwe bi gotina "Biryara gelê Filistînê ya ji bo parastina ax û nasnameya xwe, mertalê herî xurt li dijî hemû planên xapînok ên dagirkeran e" bi dawî kir. (ÎLKHA)
