Hikûmeta Sûrîyê ragihand ku bi hinceta livîna hêzên PKK/HSDê li herêmê ew ê hêzên zêde yên leşkerî bişîne gundewarên rojhilatê Helebê.
Piştî zêdebûna çalakiyên leşkerî li herêmê, artêşa Sûrîyê leşkerên nû şandine gundewarên rojhilatê Helebê. Ajansa nûçeyan a fermî SANA wêneyên hêzên leşkerî yên ku ber bi xetên bicihbûna artêşê li rojhilatê Helebê ve diçin, weşand.
Li gorî SANA, piştî ku hebûna hêmanên Hêzên Sûriyeya Demokratîk (HSD) û "komên çekdar" li dora Meskena û Dêr Hafîr hat tespîtkirin, hêzên piştgiriyê yên artêşê hatin şandin. Komîteya Operasyonên Artêşa Sûriyeyê, bi îddîaya çavkaniyên îstîxbaratê, diyar kir ku di nav van koman de hêmanên girêdayî PKKê û "bermahiyên rejîma kevin" hene.
Komîteya Operasyonan di daxuyaniyek çapemeniyê de diyar kir ku rewşa li ser erdê di wextê rast de tê nirxandin, û kombûna leşkerî ya PKK/SDG "zêdebûna metirsîdar" temsîl dike. Daxuyaniyê tekez kir ku her çalakiyek leşkerî ya potansiyel ji hêla van koman ve dê bi "bersiveke dijwar" re rû bi rû bimîne. (ÎLKHA)
