Wezîrê Derve yê Sûrîyeyê Esed El-Şeybanî, di serdana xwe ya ji bo Lubnanê de diyar kir ku rayedarên Sûrîyeyê ti nerazîbûnek li hember hevdîtinên di navbera nûnerên Şamê û nûnerên tevgera Hîzbullaha Lubnanê de nîşan nedane.
Wezîrê Derve Şeybanî ji rojnameya The National re got, "Eger berjewendiyên me hevdîtinekê bi Hîzbullahê re hewce bike, em ji bo wê îxtîmalê vekirî ne."
Berê, Serokê Emrîkayê Donald Trump nerazîbûna xwe li hember rêbazên rejîma îşxalker a şerê li dijî Hîzbullahê li Lubnanê nîşan dabû û pêşniyar kiribû ku Sûrîye dikare vê pirsgirêkê baştir çareser bike. Lêbelê, li gorî raporên medyaya Sûrîyeyê, Serokkomarê Sûrîyeyê Ahmed El Şara diyar kiribû ku hêzên Sûrîyeyê nakevin Lubnanê.
Ji aliyekî din ve, çavkaniyek Lubnanî ji rojnameya The National re got ku yek ji armancên serdana El-Şeybanî ji bo Lubnanê ew bû ku eşkere bike ku Şam ew ê çareseriya pirsgirêka Hîzbullahê ya ku ji hêla Trump ve hatî pêşniyar kirin hilnebijêre.
Şeybanî berê bi Serokkomarê Lubnanê Joseph Avn û Serokwezîrê Lubnanê Newaf Salam re civiyabû. Avn diyar kir ku El-Şara gelek caran ji wî re piştrast kiriye ku Sûrîye niyeta wê tune ku wekî berê mudaxeleyî karûbarên Lubnanê bike. (ÎLKHA)
https://ilkha.com/kurdi/cihan/wezîrê-derve-yê-sûrîyeyê-em-ji-bo-îxtîmala-danûstandinan-bi-hîzbullahê-re-vekirî-ne-544588
