Di êrîşa hewayî ya şevê din a Rûsyayê li ser Kîeva paytexta Ukraynayê de herî kêm 9 kes hatin kuştin.
Serokê rêveberiya leşkerî ya Kîevê Tîmûr Tkaşenko, ragihand ku di êrîşan de herî kêm 46 kes birîndar bûne.
Şaredarê Kîevê Vitali Klitschko diyar kir ku êrîşên bi mûşekên balîstîk deverên cuda yên bajêr hedef girtine. Klitschko got ku hinek avahiyên apartmanan agir girtiye, û depo û atolyeyek garajê jî zirar dîtine.
Wêneyên ji bajêr kavilên avahiyên hilweşiyayî, dû û wesayîtên ku êdî nayên bikaranîn nîşan didin. Ekîbên rizgarkirinê roja Duşemê hewldanên xwe berdewam kirin da ku bigihîjin her kesê ku dibe ku di bin kavilan de nîşanên jiyanê nîşan bidin. (ÎLKHA)
Muhabir: Editör Gümüş
