Pasdarên Şoreşa Îranê, ku bi mûşekên balîstîk baregeha hewayî ya Amerîkî li Urdunê hedef girt, bi vê gotinê bangî gelê Urdunê kir: "Em tu dijminatiyekê li welatê we nakin; berevajî vê, em ji we, gelê me yê hêja, pir hez dikin. Hûn êş û zilma gelê Filistînê ji her neteweyek din bêtir fam dikin."
Supaya Pasdarên Şoreşa Îranê derbarê hedefgirtina tesîs û cihên girîng ên ku hêzên Amerîkî li baregeha hewayî ya Urdunê lê bi cih bûne de daxuyaniyek weşand.
Daxuyanî weha ye: "Miletê esilzade û Misilman ê Urdunê! Îro di şefeqê de, şervanên Îslamî, di merhaleya sêyemîn a pêla duyemîn a Operasyona Nasr 2 de, ku sembola şehadeta Îmam Huseyîn e, tesîs û meqamek dijminê Amerîkî ya sereke li baregeheke hewayî ya ku ji hêla artêşa Amerîkî ya zarokkuj ve li ser axa we hatibû îşxalkirin û ji bo êrîşa me dihat bikaranîn, hedef girtin, sûcdarên Amerîkî ji ber kiryarên wan ceza kirin. Di roja yekem a van êrîşan de, rejîma Amerîkî ya pozbilind 168 xwendekar û mamosteyên bêguneh li Minabê bi karanîna heman baregehan bi hovane kuştin."
Di daxuyaniyê de, ku hessasîyeta gelê Urdunê ya li hember Filistîn û Xezzeyê destnîşan kir, ev tişt hatin destnîşankirin:
"Wekî ku hûn baş dizanin, em li hember welatê we tu dijminatiyekê nakin; berevajî vê, em ji we û gelê we yê hêja pir hez dikin. Hûn ji her neteweyek din bêtir êş û zilma gelê Filistînê fam dikin û hûn ji sûcên ku rejîma sîyonîst di komkujiya heftê hezar Filistîniyan de li Xezzeyê, di nav de bîst hezar zarok, bi destwerdana rasterast a Emrîkayê kirine, haydar in. Daxwaza we ya cîddî ya ji bo rakirina baregehên îşxalker ên Amerîkî li herêmê alîkariyek mezin e di rizgarkirina gelê Filistînê û vegerandina ewlehiyê li herêmê de. Em dixwazin Urdunê serbilind bikin."
Daxuyanî bi îşaretkirina ayeta "Ey bawermend! Heke hûn alîkariya Xwedê bikin, ew ê alîkariya we bike û lingên we saxlem bike" bi dawî bû. (ÎLKHA)
