Karwana Hêviyê her sal li Stenbolê, li welatên cuda yên cîhanê û li gelek deverên Tirkiyê, her sal organîzasyona qurbanê li dar dixe.
Bi sedan dildarên weqfê û xwediyên qurbanan di dema nimêja sibê de li qada serjêkirinê ya li Arnavutkoyê hatin cem hev û piştî nimêja eydê ji aliyê Alîkarê Serokê Karwanê Cemal Çinar ve bi tekbîrên teşrîkê dest bi serjêkirina heywanên qurbanê kirin.
"Em li 32 bajarên Tirkiyeyê li 100 cihan organîzazyona qurbanê dikin"
Alîkarê Serokê Giştî yê Kerwana Hêvîyê Cemal Çinar ji ÎLKHAyê re der barê rêxistinê de axivî û got, "Em wek Kerwana Hêvîyê wek li gelek deverên dinyayê li Tirkiyeyê jî heywanên qurbanê difiroşin, qurbanan jî serjêdikin.”
Daxwazên ji bo Filistîneke azad hatin kirin
Çinar, diyar kir û got, "Weke hûn jî dibînin, hevalên me ji bo îbadeta qurbanê pêk bînin li her derê seferber in. Cejna alema Îslamê li Xezze û Filistînê pîroz be. Xwedê serketinê bide birayên me yên ku li Fîlîstînê li dijî rejîma îşxalker micadeleyê dikin. Hêvîdar im ku Rebbê me firsend bide ku em Filistîneke azad bi rêve bibin.”
Fahrî Bîçen, da zanîn ku bi rêxistina Kerwana Hêvî re 2 sal in heywanên qurbanê dikin û weha got: "Em ji rêxistinê memnûn in. Em qurbanên xwe dixin torbeyan û diçin. Weke her sal hinek hatin serjêkirin. Trafîka li ser vê rêyê ji xeynî wê ti pirsgirêk nîne."
Selîm Korogluyê ku diyar kir ew bi teşkîlata ku Kerwana Hêvîyê li dar xistiye eleqedar e û wiha got: "Rêxistin baş derbas dibe. Bi salan e bi pêşengiya cîranên xwe heywanê xwe bi Kerwana Hêviyê qurban dikim. Em Berê tu carî di rêxistinên wiha mezin de qurbanî nedane me ev çend sal in li vir heywanê xwe dikin qurban."
Ebuzer Kînay, diyar kir ku ew 5-6 sal in bi xêra Kerwana Hêvîyê heywanê xwe serjê dike û weha got: "Xwedê ji wan razî be. Heywanên me bi awayekî xweş serjê dikin. Em ji vê rêxistina ku hatiye organîzekirin gelekî kêfxweş in." (ÎLKHA)
https://ilkha.com/kurdi/rojev/kerwana-hêvîyê-li-stenbolê-organîzasyoneke-qurbanê-pêk-anî-399860